У Вільні пройдзе акцыя салідарнасці з Беларуссю

• 15.11.2012, 16:44

У Дзень салідарнасці 16 лістапада ў літоўскай сталіцы пройдзе акцыя ў падтрымку беларускіх палітвязняў.

Яе арганізоўвае офіс «Грамадзянскага і палітычнага прадстаўніцтва Беларусі» ў Літве.

Акцыя адбудзецца з 15 да 16 гадзін у Вільні на плошчы Vinco Kudirkos.

Нагадаем, 16 чысла кожнага месяца з'яўляецца днём салідарнасці з беларускімі палітвязнямі, а таксама зніклымі палітыкамі.

Сваю падтрымку Беларусі ў гэты дзень праяўляюць ў многіх краінах і сталіцах свету.