Аварыя на новай станцыі спыніла рух на паўгадзіны

• 14.11.2012, 11:06

Сёння раніцай рух цягнікоў па першай лініі Менскага метрапалітэна быў часова спынены.

Прычынай паслужыла паломка рухомага складу на станцыі метро «Пятроўшчына», паведамляе TUT.by.

Гэтую інфармацыю пацвердзіў прэс-сакратар ГУУС Менгарвыканкама Аляксандр Ластоўскі.

Затрымка склала 30 хвілін. У 6 гадзін раніцы рух быў адноўлены.