Рамана Васільева арыштавалі на 5 сутак

• 30.10.2012, 16:39

Сёння Мёрскі раённы суд прысудзіў актывіста «Маладога Фронту» Рамана Васільева да 5 сутак арышту па артыкуле 17.1 «дробнае хуліганства».

Рамана даставілі ў суд з Мёрскага цэнтральнага шпіталя, паведамляе прэс-служба «Маладога Фронту».

Актывісту стала дрэнна падчас судовага пасяджэння ўчора, і ён быў дастаўлены ў шпіталь з дыягназам «гіпэртанічны крыз». Каля 14 гадзін Рамана выпісалі са шпіталя, уручылі павестку ў суд на сёння і даставілі ў суд.

Рамана Васільева затрымалі ў суботу на выездзе з Мёраў, калі ён вяртаўся ў Менск пасля вяселля Мікалая Дземідзенкі. Разам з ім быў затрыманы Зміцер Крамянецкі, ён учора быў асуджаны на 5 сутак.