Макей запрасіў Генеральнага сакратара ААН у Беларусь

• 3.10.2012, 9:43

Міністр замежных спраў Беларусі Уладзімір Макей пацвердзіў запрашэнне Генеральнаму сакратару ААН Пан Гі Муну наведаць Беларусь з візітам.

Пра гэта паведамляе прэс-служба беларускага МЗС.

«Уладзімір Макей правёў сустрэчу з Генеральным сакратаром ААН, падчас якой былі абмеркаваны актуальныя пытанні ўзаемадзеяння паміж Рэспублікай Беларусь і ААН. У прыватнасці, Макей пацвердзіў запрашэнне Генеральнага сакратара ААН наведаць Беларусь з візітам», - адзначаецца ў паведамленні знешнепалітычнага ведамства.

У Нью-Йорку кіраўнік беларускага МЗС правёў таксама перамовы з Генеральным сакратаром Арганізацыі па забароне хімічнай зброі Ахметам Узюмджу.