Сямашка: Насельніцтва будзе аплочваць 100% кошту электраэнергіі

• 19.10.2012, 10:53

Першы віцэ-прэм'ер Беларусі пацвярджае намер урада да канца 2016 года давесці ўзровень кампенсацыі тарыфамі кошту электраэнергіі для насельніцтва да 100%.

«У тарыфах мы ідзем да паступовага збліжэння кошту электраэнергіі для насельніцтва і прамысловых спажыўцоў. У 2016 годзе будзе 100-адсоткавае папаўненне насельніцтвам кошту электраэнергіі», - заявіў Сямашка на чарговым пасяджэнні Электраэнергетычнага савета СНД, якое адкрылася ў пятніцу ў Менску, піша «Інтэрфакс» .

Ён адзначыў, што на сённяшні дзень грамадзяне Беларусі кампенсуюць тарыфамі 39,6% кошту электраэнергіі, 16,8% - цяпла і 29,1% - прыроднага газу. «Да канца 2016 года мы да ста адсоткаў па электраэнергіі, я думаю, прыйдзем», - сказаў Сямашка.

Раней ва ўрадзе Беларусі заяўлялі, што ў 2013 годзе ў электраэнергетыцы пачнецца паступовы сыход ад перакрыжаванага субсідавання, гэта павінна прывесці да выраўноўвання тарыфаў на энерганосьбіты паміж прамысловымі спажыўцамі і фізічнымі асобамі. Пазней, у сувязі з крызісам на валютна-фінансавым рынку Беларусі ў 2011 годзе і звязанага з ім падзення ўзроўню даходаў насельніцтва, тэрміны сыходу ад перакрыжаванага субсідавання пераносіліся на 2014 год.

На дадзены момант тэрміны пачатку ліквідацыі перакрыжаванага субсідавання ў электраэнергетыцы ўрадам канчаткова не вызначаны.