Лукашэнка падоўжыў дзяржпадтрымку «Белавія»

• 10.10.2012, 13:04

Дзяржпадтрымка нацыянальнай авіякампаніі «Белавія» падаўжаецца да 2015 года.

Такое рашэнне, паведамляе БелаПАН, змяшчаецца ва ўказе прэзідэнта № 459 ад 8 кастрычніка 2012 года, апублікаваным на Нацыянальным прававым інтэрнэт-партале.

Дакумент уносіць змены ва ўказ № 315 ад 10 чэрвеня 2008 года «Аб дзяржаўнай падтрымцы рэспубліканскага унітарнага прадпрыемства «Нацыянальная авіякампанія «Белавія». У гэтым дакуменце дзяржпадтрымка была прадугледжана на 2008-2012 гады.

Згодна з новым указам, «Белавія» вызваляецца ад падатку на дабаўленую вартасць (за выключэннем падатку на дабаўленую вартасць пры ўвозе з тэрыторыі Расеі) у дачыненні да ўвазных (увезеных) на мытную тэрыторыю Беларусі паветраных судоў, камплектуючых вырабаў, запасных частак, наземнага абсталявання і іншых тавараў , неабходных для выкарыстання пры эксплуатацыі паветраных судоў, у тым ліку што ўвазных (увезеных) пасля іх рамонту альбо тэхнічнага абслугоўвання за межамі Беларусі.

Таксама для «Белавія» захоўваецца рашэнне аб вызваленні ад ПДВ з абаротаў па рэалізацыі паслуг лізінгу паветраных судоў, якія аказваюць прадпрыемству замежныя арганізацыі, якія не ажыццяўляюць дзейнасць у Беларусі праз пастаяннае прадстаўніцтва.