Футбалісты абвясцілі страйк

• 4.09.2011, 15:44

Гульцы клуба «Баранавічы» адмовіліся выйсці на поле з-за нявыплаты ім заробку.

«Баранавічам» залічаная тэхнічная параза (0:3) за няяўку каманды на матч 19-га тура чэмпіянату Беларусі сярод каманд першай лігі супраць «Граніту».

Як стала вядома Goals.by, у клуба перад гульцамі з'явілася запазычанасць па заробку за чэрвень і ліпень. Футбалісты «Баранавічаў» прынялі рашэнне не ўдзельнічаць у бліжэйшых матчах, пакуль не будзе ліквідаваная запазычанасць перад гульцамі клуба. Паводле інфармацыі, гульцы ўжо звярнуліся да кіраўніцтва клуба з афіцыйнай заявай.

Пасля 19 тураў «Баранавічы» займаюць апошняе месца ў турнірнай табліцы розыгрышу першай лігі, маючы ў сваім актыве 3 ачкі.