Amnesty International: Арышт Алеся Бяляцкага палітычна матываваны
- 8.08.2011, 8:51
Праваабарончая арганізацыя Amnesty International лічыць, што арышт Алеся Бяляцкага мае на мэце перашкодзіць ягонай законнай дзейнасці ў якасці абаронцы правоў чалавека.
Праваабарончы цэнтр «Вясна» аказвае дапамогу асобам і сем'ям, якія пацярпелі ад разгону дэманстрацый, гаворыцца ў адмысловай заяве міжнароднай праваабарончай арганізацыі.
Amnesty International называе беспрэцэдэнтнымі рэпрэсіі ў Беларусі супраць грамадзянскай супольнасці пасля прэзідэнцкіх выбараў у снежні 2010 года. І лічыць, што затрыманне Алеся Бяляцкага з'яўляецца часткай пераследу актывістаў грамадзянскай супольнасці і абаронцаў правоў чалавека з боку беларускіх уладаў.