«Трайпл» дэмпінгуе на ўкраінскім рынку нафтапрадуктаў
- 1.06.2011, 11:16
Блізкая да сям'і Лукашэнкі кампанія «Трайпл» выцясняе ўкраінскіх вытворцаў нафтапрадуктаў.
Рада справавога супрацоўніцтва Украіна-ЕЗ (EUUBC) занепакоеная фактам ўвозу в а Украіну значных партый беларускага біяпаліва без выплаты экспартных пошлін, а таксама якасцю гэтай прадукцыі. З адпаведным лістом аб'яднанне звярнулася да першага віцэ-прэм'ера - міністру эканамічнага развіцця і гандлю Украіны Андрэя Клюева.
«У лютым 2011 года беларуская кампанія «Трайпл» пачала пастаўляць, так званае, «біяпаліва» ва Украіну. Нягледзячы на тое, што дадзенае паліва змяшчае менш чым 0,2% бія-кампанента, яно нестабільнае пры нізкіх тэмпературах і не цалкам адпавядае ўсім патрабаванням якасці», - гаворыцца ў лісце.
У EUUBC падкрэсліваюць, што паліва, якое пастаўляецца «Трайпл», мае значную эканамічную перавагу перад прадукцыяй украінскіх і еўрапейскіх НПЗ за кошт вызвалення ад экспартнай пошліны.
«У дадзенай сітуацыі вытворцы паліва з Беларусі нядобрасумленна карыстаюцца канкурэнтнай перавагай ў $244,6/тона у дадатак да перавагі ў $160/тона пры набыцці сырой расейскай нафты», - адзначылі ў радзе справавога супрацоўніцтва.
Па дадзеных аб'яднання, з пачатку года ва Украіну было ўвезена 70 тыс. тон біяпаліва вытворчасці кампаніі «Трайпл», што складае 20% агульнага імпарту нафтапрадуктаў у краіну.
Паводле адзнак EUUBC, на працягу першага квартала 2011 года 45% усяго прададзенага ва Украіне паліва было ўвезена з Беларусі і Расеі, у той час як доля еўрапейскіх нафтапрадуктаў на рынку склала 9%.
«Доля ЕЗ, як і нацыянальных вытворцаў у Украіне, працягвае скарачацца... Калі гэтая небяспечная тэндэнцыя захаваецца, Украіна можа неўзабаве стаць залежнай ад імпартуемых нафтапрадуктаў у той жа, ці большай ступені, у якой краіна залежыць ад паставак з-за мяжы нафты і газу» , - гаворыцца ў лісце.
У Радзе справавога супрацоўніцтва ўпэўненыя, што выцясненне еўрапейскіх і ўкраінскіх вытворцаў з мясцовага рынку стала следствам нядобрасумленнай канкурэнцыі з боку прадпрыемстваў Мытнага саюза, якія атрымліваюць расейскую нафту па прэферэнцыйным кошце без выплаты экспартных пошлін.
У сувязі з гэтым EUUBC просіць урад прыняць меры па выраўноўванні ўмоваў для ўсіх удзельнікаў нафтарынка, паведамляе ўкраінскае выданне «Экономические известия».