Эколагі патрабуюць праз суд выдачы дакументаў па АЭС

• 31.08.2010, 17:45

Грамадскае аб'яднанне «Экадом» звярнулася з іскам у гаспадарчы суд Гарадзенскай вобласці.

Эколагі патрабуюць, каб іх азнаёмілі з дакументацыяй па ацэнцы ўздзеяння на навакольнае асяроддзе будучай беларускай АЭС, паведамляе БелаПАН. З лістапада 2009 года прадстаўнікі «Экадома» спрабуюць атрымаць гэтыя дакументы ад Дырэкцыі будаўніцтва атамнай станцыі.

У лютым чыноўнікі прапанавалі эколагамі прыйсці ў офіс і азнаёміцца з дакументамі на месцы. Выносіць іх забаранялася, прагляд папер абмяжоўваўся працоўным часам. На думку прадстаўнікоў грамадскасці, па законе ім павінны даць дакументацыю на рукі ў папяровым або электронным выглядзе. Адмовы чыноўнікаў з'яўляюцца незаконнымі і супярэчаць палажэнням Архускай канвенцыі.