Беларусь - лідэр па колькасці міліцыянтаў

• 22.06.2010, 9:52

Беларусь з'яўляецца лідэрам сярод постсавецкіх краінаў па колькасці супрацоўнікаў сілавых ведамстваў адносна насельніцтва краіны.

Пра гэта сведчаць дадзеныя сумеснага даследавання Еўрапейскага ўніверсітэта ў Санкт-Пецярбургу і газеты «Ведомости».

У Беларусі на 100 тысячаў жыхароў краіны прыпадае 1441,6 міліцыянта. Пры гэтым паказчык Беларусі больш чым ў два разы перавышае сярэднія паказчыкі (637,9 чалавека) у выбарцы з 15 краінаў. На другім месцы знаходзіцца Расея (975,7 чалавека на 100 тысячаў). Самая нізкая ў рэгіёне колькасць сілавікоў адносна насельніцтва назіраецца ў Польшчы (328,3 чалавека на 100 тысячаў).