BE RU EN

Ветэранам прапануюць бясплатна пастрыгчыся і адрамантаваць абутак

  • 27.04.2010, 8:48

Мінгандлю рэкамендуе з 20 красавіка аказваць ветэранам некаторыя паслугі бясплатна.

У сувязі з святкаваннем 65-й гадавіны Перамогі ў Вялікай Айчыннай вайне Міністэрства гандлю прапануе шэрагу прадпрыемстваў знізіць гандлёвыя надбаўкі і аказваць некаторыя паслугі ветэранам бясплатна. Рэкамендацыя датычыцца гандлёвых арганізацый, прадпрыемстваў грамадскага харчавання і бытавога абслугоўвання, перадае TUT.by.

Мінгандлю прапаноўвае з 20 красавіка для ветэранаў і асоб, якія пацярпелі ад наступстваў вайны, знізіць гандлёвую надбаўку да 100%, бясплатна ажыццяўляць дастаўку тавараў на дом з пад'ёмам на паверх і арганізаваць святочныя абеды (вячэры) з музычным суправаджэннем.

Без спагнання платы рэкамендуецца аказваць цырульніцкія паслугі і фотапаслугі, рамонт абутку, швейных вырабаў, бытавых прыбораў, рамонт і тэхнічнае абслугоўванне бытавой радыёэлектроннай апаратуры, аўтамабіляў і г.д., а таксама паслугі лазняў.

Апошнія навіны