Латвія ўводзіць узмоцнены кантроль на беларускай мяжы

• 12.03.2010, 9:21

Дзяржаўны памежны камітэт Беларусі раіць грамадзянам у найбліжэйшы тыдзень уязджаць у Латвію праз пункт пропуску «Грыгораўшчына».

Па словах начальніка прэс-цэнтра Дзяржпамежкамітэта Аляксандра Цішчанкі, на асноўным у гэтым накірунку пункце пропуску «Урбаны — Сілене» на працягу пазначанага перыяду з латвійскага боку будуць праводзіць узмоцненыя кантрольныя мерапрыемствы, перадае БелаПАН.

Начальнік прэс-цэнтра адзначыў, што праверку пройдуць 100% транспартных сродкаў і грамадзянаў, якія ўязджаюць ў Латвію, з прычыны чаго існуе вялікая верагоднасць утварэння чэргаў.

Па словах Аляксандра Цішчанкі, у Дзяржаўным памежным камітэце не выключаюць, што такія меры прынятыя латвійскім бокам у сувязі з адменай марша ветэранаў СС у Рызе.