На будоўлі аквапарка ў Менску загінуў працоўны
- 12.11.2010, 13:29
Працоўны загінуў ад удару токам на пляцоўцы, дзе хутка распачнецца будаўніцтва менскага аквапарка.
Пры ўключэнні аднаго з пражэктараў мачты асвятлення ён атрымаў электратраўму, несумяшчальную з жыццём, паведамляе «Менскі кур'ер».
22-гадовы хлопец з вёскі Вялікае Запруддзе Валожынскага раёна Менскай вобласці памер на месцы.
Электрык БУ-13 ААТ «Будтрэст № 4» наладжваў асвятленне будаўнічай пляцоўкі для ўзвядзення воднага комплексу. Прычына здарэння высвятляецца.