Кіраўнікі МЗС Польшчы і Германіі прыедуць з «еўрапейскім пасланнем»

• 29.10.2010, 13:44

2 лістапада Беларусь наведаюць міністры замежных справаў ФРГ і Польшчы Гіда Вестэрвеле і Радаслаў Сікорскі.

Візіт міністраў дзвюх краінаў - чальцоў ЕЗ праходзіць напярэдадні прэзідэнцкіх выбараў у Беларусі, паведамляе БелаПАН са спасылкай на польскі МЗС.

«Абодва міністра хочуць выказаць у сувязі з гэтымі выбарамі беларускаму боку дакладнае еўрапейскае пасланне», - кажацца ў паведамленні.

Падчас візіту чакаецца сустрэча Гіда Вестэрвеле і Радаслава Сікорскага з іх беларускім калегам Сяргеем Мартынавым і Аляксандрам Лукашэнкам.

Апроч афіцыйных сустрэчаў кіраўнікі знешнепалітычных ведамстваў Германіі і Польшчы маюць намер сустрэцца ў Менску з некаторымі прэтэндэнтамі на пасаду прэзідэнта Беларусі і прадстаўнікамі грамадзянскай супольнасці.