У Беларусі сталі выпускаць шакаладную каўбасу (Фота)

• 8.04.2009, 14:36

Беларускі вытворца мясных прадуктаў прэзэнтаваў новы прадукт – шакаладна-мясную каўбасу.

Дэлікатэс могуць набыць жыхары Берасця, Кобрына і Менска. Незвычайны для беларускага рынка прадукт выпускаюць у Кобрыне, паведамляе сайт Regionby.org.

Новы прадукт атрымаў назву каўбаса «Міланская», у ёй акрамя мяса прысутнічаюць кавалачкі шакаладу.

Паведамляецца, што гэта навінка для беларускага рынка. Аднак падобную каўбасу прэзэнтавалі на суд еўрапейцаў - немец Ёрг Штароске некалькі гадоў таму прэзентаваў каўбасу з шакаладам і апельсінавай цэдрай на адным з Каўбасных чэмпіянатаў у Берліне.