ЗША адмянілі санкцыі ў дачыненні да двух беларускіх прадпрыемстваў

• 5.09.2008, 15:11

Міністэрства фінансаў гэтай краіны зьняло на шэсьць месяцаў санкцыі супраць прадпрыемстваў "Лакафарба" і "Шкловалакно".

Гэта стала магчыма пасьля таго, як афіцыйны Менск пайшоў на вызваленьне палітвязьняў. Гэты крок вітаўся Вашынгтонам як пазытыўны, паведамілі "Нашай Ніве" у прэс-службе пасольства ЗША ў Менску.

Нагадаем, што санкцыі супраць лідзкай "Лакафарбы" і полацкага "Шкловалакна" былі ўведзеныя 15 траўня ў дадатак да эканамічных санкцый у дачыненьні канцэрну "Белнафтахім".

Варта адзначыць, што на пазамінулым тыдні Менск наведваў намесьнік памочніка дзяржсакратара ЗША ў справах Эўропы і Эўразіі Дэвід Мэркел.